(1880s-1913) Nuiches d’otoño

link

Yera nuiche de domingo
Templadina y azulada,
La lluna va pocu á pocu
Faciendo so caminata;
Y nin siquiera una ñube
S' atreve á tapai la cara.
La villa tá silenciosa;
Sólo dalgún qu' utru pasa,
Pa les fuentes van los mozos
Falando con las rapazas;
Óyense cánticos, rises
Y nin siquiera una flauta
Que sollute, que sollute
L' eternu anhelu del alma.
¡ Ay, dulces nuiches d' otoño
Templadines y de calma !
¿ Qué tenéis que de los güeyos
Facéis brotar una llárima ?